[Lezo] Apaiziartza zutik! Elkartasun eguna

730110734_10741

[Gasteiz] Errekaleor Bizi Ezazu

errekaleor_egitaraua_2015_urtarrila

Gasteizko Errekaleor auzo okupatuko kideek Euskal Herriko gazte oro deitu dute urtarrilaren 16tik 18ra egingo duten auzolanean parte hartzera. Jakinarazi dute parte hartzen dutenek lotarako lekua izango dutela bertan, eta eskatu dute horretarako asmorik izanez gero mezu bat idaztea info [at] errekaleorbizirik [dot] org helbidera.

Asteburua baino lehen, baina, hainbat ekintza egingo dituzte. Urtarrilaren 12an, astelehena, errepresioa eta inpunitatearen inguruko jardunaldia egingo dute. Dokumental baten proiekzioa, mahai ingurua eta solasaldia antolatu dituzte. Horrez gain, jaialdi bat ere egingo dute ostegunean Gasteizko gaztetxean.

Iturria: topatu.info

[Bilbo] Maison13 Desalojoaren balorazio politikoa

Maison 13ren desalojoa ez da isolaturiko gertaera, Bilbon indarrean dagoen logikan. Bere oinarriak kolokan ikusten dituen sistema ultraḱapitalista eta autoritario baten ezinegon eta beldurra adierazten du. Hau, poliziak gure erakina hustutzeko hartutako presa eta lehentasuna da. Eraikin honetan ematen ziren delituak; Behar gorrien garaian arropa elkartrukerako gunea izatea, musika, dantza, jostura, auto-kudeaketa tailerrak egiteko lekua, bestelako bizitza ereduen inguruko hitzaldi eta mintegiak burutzeko gunea izatea.

Gastu publikoaren xahutze hau (Garabiak, indar bereziak, gune publikoak geldiaraztea, Alde Zaharreko kaleen militarizazioa…) deigarria da. Are eta gehiago jendea gero eta indartsuago kolpatzen duen krisi honen erroen aurka ekiteko erabili diren baliabide faltarekin alderatuz.

Ustelkeria, espekulazioa, etxe kaleratzeak, orokorturiko txirotasuna, gutxi batzuen pribilegiak, esklabutza soldatak, langabezia… hauek dire gure jendartearen etsaiak. Poliziak eta udaletxeak ez gaituzte inoiz etsai hauetarik defendituko. Izan ere, haien egitekoa jendeak eraikitako autokudeaketa eta elkar laguntza guneak izorratu, erasotu eta desegitea da.

Krisian den sistema anti-sozial honek aurrera egiten du, ihesean, gure bizitzei sabotaia eginez. Ostegunekoa, desalojo batez gain, etxe kaleratze bat izan zen. Gure etxetik, etxebizitzatik kanporatu gintuzten. Espekulazioa, turismoa eta Esklabutzan oinarritutako hiri honetako prezio eroak ordaindu ezin (edo nahi ez) ditugunak, etxetik kanporatu gintuzten. Guzti hori, izurrite baten moduan zabaltzen dihoazen marka eta enpresa handi gutxi batzuen mesedera eraikitako Bilbo honetan..

Egiaz, gu etxetik kanporatzearen arrazoi nagusia inposatu diguten prekarietatea auto-kudeatzeko daukagun gaitasuna da, bai eta honek eragiten dien beldurra. Haien bortxakeria haien ezinaren irudi da, euren miseria alde batera utzita, eta euren kontra, bizi gaitezkeela ikusten baitute. Jabetza pribatua dute aitzakia, baina hori lotsazko harresi bat baino ez da. Atzetik, ehundaka mila familiari etxebizitzak lapurtu eta bankariei eman dizkieten gobernuak. Guk, ez dugu jaberik.
Poliziaren obedientzia itsuaren bitartez baizik ez diote eusten inposatzen diguten jendarte desantolaketa honi. Eta ezin izango dute luzaroan. Askoz ere gehiago ginen erresistentzia eta elkartasunez desalojoari aurre egin genion pertsonak, sistemak kaleratzerako mugitu ahal izan zituen gorputzak baino. “Soldata” izeneko sobornoekin erositako poliziak; disidentzia, protesta, desobedientzia eta bizitza bera kriminalizatzen dituzten legeen babespean ezkutatuta.

Honakoa da gero eta ateraldi ilun eta bortxazkoagoak agerian uzten dituen behin betiko krisi honen logika sakona: Gu pobrezia egoeretara bultzatuz, Aberatsen erregaliak defendatzeko elkar hil dezagun nahi dute. Baina beldurra aldez aldatzen ari da, eta gero eta gehiago gara logika hau hausten dugunak, altxa eta desobeditzen dugunak. Bilboko Suhiltzaileak Poliziaren aginduetara lan egiteari uko egin zioten. Honela, bistan utzi zituzten oligarkiarekin lerratutako udal baten mehatxuak. Eurek inposatu nahi diguten zikinkeria, miseria eta beldur proiektuaren aurrean men egiten ez dugunoi beldurra dio udalak. Gero eta gehiago gara, gero eta antolatuagoak, desalojoei, etxe kaleratzeei eta errepresioari aurre egiten dugunak. Gero eta ahulagoa da sistemak bere anabasa goibel honetan gu itotzeko duen gaitasuna. Eta gero eta irmoagoa da erresistentzian bizitzeko, Geure bizitzak autokudeatu eta gozatzeko hartu dugun erabakia. Garaipenerako giltza gutako bakoitzean dago.

 

iturria: http://2013bilbao.wordpress.com/desalojo_tubos_fachada 11

[Leioa] I. Zuzenbideko Ikasle Jardunaldietan okupazioa mintzagai

Aste hontatik aurrera Leioako EHU-ko Zuzenbide Fakultatean hainbat gai sozial eta politikoaz, tartean okupazioa jardungo dute.

Zuzenbidean aritzen diren ikuspuntu kritikoak azaltzeko, transmititzeko eta praktika bihurtzeko asmoz eginak dira jardunaldi hauek.

Hilean 26an hortxe izango da Bilboko Okupazio Bulegoko abokatu bat, “Zergatik okupatu?” galderari erantzuna emanez.

zuzenbide

[Añorga] Cementos Rezola lantegiko etxe zaharraren okupazioa

Cementos Rezola lantegiko etxe zaharra eraistekoak dira astelehenean, Gipuzkoa-21 boulevarizatzeko eta Gorga ibaia azaleratzeko bidean. Horren aurrean, hainbat añorgatarrek etxea okupatzea erabaki dute, eta bertan bizi dira ostegunetik. Salatu nahi dute Añorgan 60 etxebizitza huts inguru dauden bitartean -horietatik 30 eraiki horretan-, auzotarrak bizitzera kanpora joan beharrean aurkitzen direla, ezin dituztelako Añorgan bizitzeko gutxieneko baldintzak bete. Azaldu dutenez, aspaldidanik Añorgako gazteek inguruko herrietara joan behar izaten dute emantzipatzeko garaia heltzen zaienean, alokairu merkeagoen bila. Era berean, etxebizitza politika orokorrak salatu nahi dituzte, egun egiten diren etxebizitza planek jendearen beharrak ase beharrean gutxi batzuen poltsikoak betetzeko asmoa dutela iruditzen baitzaie. Eraistear diren Rezola lantegiko etxe zaharraz gain, beste adibide bat ere bada auzoan, beraien irudiko: Atotxa-Errekan landa ingurune bat urbanizatu zuten luxuzko etxebizitzak eraikitzeko. Egun, lur horietako partzela gutxi batzuk soilik daude erosita, gainontzekoek bere horretan jarraitzen duten bitartean.

2014-11-02-13.18.20-1

Etxebizitzaren gaia pil-pilean dabil Añorgan azkenaldian, eta horren erakusle da orain gutxi sortutako “Etxi Gabe” mugimendua, añorgatarrek Añorgan bizitzeko duten eskubidea aldarrikatu asmoz sortua.

Azkenean, Cementos Rezolako lantegiko eraikin zaharra okupatu duten gazteek ekintza amaitutzat jo dute, Añorgan bizitzeko eskubidea lau haizetara aldarrikatu eta gero. “Gure kabuz ateratzea hobe genuen; bestela, eurak aginduarekin etorriko ziren, horrek dakarren ondorio penal eta administratiboekin”, adierazi dute eraikinetik atera bezain pronto.

Info7 egindako elkarrizketa

Iturriak: Donostialdeko Okupazio Bulegoa, Info7 Irratia, Hirutxuloko Hitza, 25Geltokia

[Madril] OKUPAZIOA POLITIZATU, GEROA ERALDATU

Madrilen talde faxista batek gune soziala okupatzeak gutako asko harritu gaitu. Bat-batean ikusi dugu guk defendatzen eta erabiltzen dugun eraldaketa sozialarako tresna etsaien eskutan. Azken bolada hontan okupazioak lortu duen zilegitasuna eta babes soziala gure antitesiak erabili du bizilagunak banatzeko, baztertzeko eta erasotzeko asmoz.

Orduan gure buruari galdetzen diogu: nola posible da gure borrokek, gure bideek, bat egin dezaten? Okupazioa tresnatzat jotzen dugu, bakoitzak bere edukiarekin bete dezakeen tresna da. Halere, okupazioa zinez politikoa izan daitekelakoan gaude. Okupazioak sistema kapitalista berarekin apur dezake, baina soilik ideia antikapitalista eta eraldaketa sozialarako asmoarekin batera baldin badoa, eta soilik horizontaltasuna, elkartasuna eta elkarlaguntza zutabe dituen jendarte bateruntz baldin bagoaz. Okupatzeagatik ez gara sistema hau defendatzen dutenak baino hobeak. Diskurtso politikoa eta ideiak behar ditugu.

Azken urteotan krisi egoera medio, okupazioa praktika gisa askoz gehiago erabili da. Batez ere, premiazko beharra duten pertsonen eskutik. Eta askotan, behar honek eraginda, etorkizunean zer egin nahi edo zer nahi dugunaz hitz egin gabe, hausnartu gabe aritu gara. Horrela, denboraren poderioz okupazioaren kontzeptua “antisistema”-ren estereotipotik aldendu da eta kalean bizi edota bizitzear den pertsona ororen baliozko konponbide bihurtu da. Bitartean, ahaztu zaigu behin-behineko konponbide honi arrazoiak edo mundu ikuskera bat lotzea.

Kale gorrian geratzen bagara ez da beste herrialdetatik etorri direnek lana kentzen digutelako. Ustiatzeko eta espekulatzeko objektu aldagaitzat jotzen gaituen sistemaren errua da. Ahalegin txikiena eginez etekinik handiena lortu nahi duen kapitalarena eta bere burua zein kapitala erreproduzitzeko asmoz menperatzen eta kontrolatzen gaituen botere politikoarena da errua. Haiek dira, kapitala eta botere politikoa, mundua nazionalitatetan edo etniatan banatua denaz konbentzitu gaituztenak, haiei aurre egiteko gaitasuna zatituz. Gure etsaiak ez dira beste koloretako, beste kulturetako edo beste mundutako bizilagunak. Haiek dira gure etsaiak: kapitala eta botere politikoa, bere nazionalitatea edozein izanda.

Marko honetan, hain zuzen ere, nazioa eta jabetza pribatua kokatu dituzte, gu banatzeko helburuarekin. Okupazioa zinez politikoa izatekotan, jabetza pribatua kapitalista, sistema zutabe gisa, erasotzen duelako da. Jabetza pribatuaren zilegitasuna ukatzen du eta. Baina beste eraldaketa batzuekin batera joan beharko luke okupazioak. Guretzat ezinbestekoa da nazionalitatea identitate baztertzaile gisa – edo besteengan mesfidantza sortzekoa – ulertuta ukatzea. Kultura baten parte sentitzeak ez du zertan bestearen etsaia izatea esan nahi. Desberdinak izan gaitezke eta elkar ulertu, elkar babestu, elkar bizi. Beste lekutatik etorritako, egunero bizitzari aurre egiteko borrokatzen duten bizilagunekin ditugun gauza amankomunak askoz gehiago dira aberasteko eta bere boterea mantentzeko kontrolatzen gaituzten espainako politikari edo enpresariekin ditugunak baino.

Kasu honetan, “Hogar Social”-a auzo etnianitza eta herrikoian, okupazio eta auzo borroka historia luzea duen auzoan kokatzea probokazio hutsa izan da. Ez dugu zalantzarik, talde faxistak, guztiz kontrakoak diren helburuekin, auzoan aspalditik okupazioak lortutako zilegitasun soziala lortzeko egindako lanagatik irabaziak atera nahi zituen. Ez da lehen aldia faxismoak populismoa erabiltzen duela jendearengana hurbiltzeko. Hau da historikoki erabili duten estrategia. Agian haietako askok jatorri herrikoia dute, baina horrek ez du ezer esan nahi. Haien mundu ikuskera gure ikuskeraren antipodatan dagoelako. Aurreiritziak eta mugak jartzen dituztelako.

Okupazio hau publikoa egin zutenetik bizilagun batzuk jo eta mehatxatu dituzte. Eta hori ez da edonon gertatu, baizik eta bizirik eta borrokalari den auzo batean. Kolektibo eta elkarte asko faxismoari aurre egiteko antolatu diren auzoan. Tetuan auzoak argi esan zien ez zirela ongietorriak, bertako bizilagunak edo haien jatorriak ez direla arazoa, aniztasun kulturala aberastasun handia baita. Kolektibo hauen gaitasuna, ideien argitasunarekin batera, okupazioa eta borroka soziala politizatuz, faxista hauek gure auzotik alde eginarazteko oso ezaugarri garrantzitsutzat hartzen dugu.

Diskurtso politiko antikapitalista (eta anarkista gure kasuan) berreskuratu behar dugu okupazioaz hitz egiten dugun aldiro. Bakarrik okupazioa aipatzean, bestelako mundu baten alde borrokatzen dugula esan gabe, gure arteko lehiakortasuna elkarlaguntza eta elkar-ulertzearekin ordeztu nahi dugula adierazi gabe, oso arrisku handiarekin egingo dugu topo: Hogar Sozial bezalako egitasmoak, egun dugun mundua bezain alternatiba nazkagarria proposatzeko beharraren diskurtsoaz baliatzen direnak, ideia faxista eta arrazista dituenak legitimatzen ditu. Orain ez da momentua okupazioa kritikatzeko, beste behin tresna bat besterik ez denaz konturatzeko, baizik eta hausnartzeko eta gertaera hau aprobetsatzeko okupazioa burutzera eraman gaituzten ideia politikoak azpimarratuz. Okupatu edo ez, faxistak dira. Gu batzen gaituenak ez da okupazioa, baizik eta beste modu batean bizitzeko gogoa, aske eta sozialki berdinak izateko gura.

Faxismoa arrazismoa da, homofobia da, matxismoa da, ezberdinari gorrotatzea da, pentsamendu bakarra da, menpekotasuna da. Kapitalari aurre egitea, faxismoari aurre egitea da. Okupazioa politiza dezagun borrokatzeko eta etorkizun hobea lortzeko.

Iturria: okupatutambien

[Gasteiz] Errekaleor bizirik nahi dutela aldarrikatu dute Gasteizko epaitegi aurrean

Errekaleor eraikin okupatuaren aurkako auzia hasi da Gasteizko epaitegian, eta hamarnaka gazte bildu dira auzitegi aurrean proiektuari babesa helarazteko.

errekaleor_epaiketa_elkarretaratzea_gasteiz

Duela urtebete okupatu zuen gazte talde batek Gasteizko Errekaleor auzoko etxe bloke bat auzoa berpizteko proiektua martxan jarriz. Auzo guztia desalojatzeko arriskuak bere horretan dirauen arren, gazteek gogotsu jarraitzen dute lanean. Auzolan ugari antolatu dituzte, eta proiektua jendarteratzen ari dira azken hilabeteetan.

Gazteiraultzak egindako bideo honek azaltzen du zein asmorekin okupatu zuten eraikina.

Iturria: topatu.info

[Bilbo] Maison13 Desalojo Arriskuan

Adi! Epaitegiek egun batetik bestera agindu dezakete MAISON 13 (Dendarikale, 30) eraikin okupatuaren desalojoa. Egunotako egitarua jarraitu, bete eta bertan parte hartzera deitzen dute, “Erresistentzian bizi garelako”.

Berri txar posibleei adi egon eta elkartasunez erantzutea eskatzen dute.
Autodefentsaz autogestioa defendatu!

erresistentzian bizi gara txiki

[Donostia] Hitzaldia – Capitalismo es Crisis

kapitalismoescrisis

[Donostia] Nazioarteko Creative Commons Zinemaldia – Autogestioa eta Okupazioa aztergai

Donostiako Nazioarteko Creative Commons zinemalditik *cineCCdonostiatik, *zinemaldian *2014ko urriko programazio hedatuan* izango dugun *Ekologia sailera *gonbidatzeko. Hau urriaren 16, 17, 21, 23, eta 31ean ospatuko da bi gaien inguruan, autogestioa eta iraunkortasuna. Programazio osoa http://cineccdonostia.org/eu/ orrian ikus dezakezue.

Egun bakoitzean filmaren ondoren solasaldi bat prestatu dugu, mahaia egongo da eta saioaren arabera lehen mailako eta publikoko gonbidatuak.

Pelikulak eta solasaldien gaiak hauek dira:

Autogestio moduloan:

URRIAK 16, 18tan Okendo Kultur Etxean: Libres. Solasaldia: Autogestioa eta bizikidetza

URRIAK 17, 18tan Okendo Kultur Etxean:  Alter Christiania. Solasaldia: Autogestionatutako komunitateak

URRIAK 31, 18tan, Guardetxean: Okupación. Solasaldia. Zentru sozial autogestionatuak

Iraunkortasun moduloan:

URRIAK 21, 18tan Gipuzkoako Argazkilaritzaren Elkartea: Homenaje a Catalunya II. Solasaldia: Lekuko esperientziak, ekonomi
iraunkor bateruntz habiatzen

URRIAK 23, 18tan, Gipuzkoako Argazkilaritza Elkartea: In transition 2.0. Solasaldia: Komunitate iraunkorrak

Saio guztiak dohainik dira.