[Txantrea] Fiskaltzak gazte bati usurpazio delitua inputatzen dio 8 urtez hutsitako etxebizitza publikoa okupatzeagatik

iturria: ahotsa.info

[Txantrea] Maiatzak 30 Auzoa Besarkatu

M30.3

Zer da Auzoa besarkatu?

Hitzorduak
 
11:00 ELKARGUNEAK / PUNTOS  DE ENCUENTRO
– MUGIMENDU TXOKOA (Arriurdineta Plaza)
Zunba maratoi herrikoia / Maratón popular de Zumba
Sokatira, etc…
– HAURREN TXOKOA (Ezkaba Plaza)
Zirko tailerra / Taller de Circo
Erraldoiak / Gigantes
Jolasak / Juegos
Trikitixak, etc…
– KULTURA TXOKOA ( Euskara Plaza)
Fanfarre
Euskal Dantzak
Auzoko artistak / Artistas del barrio
Erakustaldiak / Exposiciones
Emantzipazio Bulegoa / Oficina de Emancipación

[Txantrea] Emantzipazio Bulegoa

[Mungia] Errota gaztetxea okupatu dute

Duela urtebete Mungiako hainbat gaztek sortutako Alkar Hegaz taldearen ekimenez okupatu dute Errota gaztetxea sortzeko eraikina. mungia_gaztetxea_okupazioa_2015_apirilak30_2

Udalak gazteen beharrei aterabide bat ematen ez ziela ikusita, eraikin huts bat berreskuratzea erabaki dute, eta dagoenko auzolanean ari dira dena txukuntzen. Gaztetxearen proiektua herritar guztiekin eraikitzeko asmoa azaldu dute.

Iturria: topatu.info

[Añorga] Maiatzak 1: Firestone lantegi zaharra berreskuratu dute

Zer da Eraldia?

Gero eta gehiago dira Donostialdean lan, harreman eta bizimodu eredu alternatiboak sortzen ari diren ekimenak. Sarri ezkutuan gelditzen dira, ordea. Kapitalismoaren arauei bakarrik aurre egitea ia ezinezkoa da. Ingurua eraldatzekotan, horretarako prest gauden guztiok batu eta norabide berean egin behar dugu lan. Ezinbestekoa da gureen antzeko proiektuen berri edukitzea, ezinbestekoa da denok saretzea.

Eguneroko ohikerian, ez dugu gai hauei errotik heltzeko tarterik hartzen. Horregatik da maiatzaren 1a lehen pausoak ematen hasteko aitzakia ezinhobea. Eraldian, berreskuratutako espazio bat irekiko dugu. Eraldian, elkarren esperientziak ezagutuko ditugu. Eraldian, auzolanean arituko gara. Eraldian, eztabaidatu, hausnartu eta ikasi egingo dugu. Proiektu berrietarako oinarriak sortzera goaz.

Beste inoren zain egon gabe, prekarietateari ekintzarekin erantzungo diogu. Gure indarra gure proiektuetara bideratuko dugu.

Eraldatu. Eragin. Eraldia. Hastera goaz.

eraldia.info

[Donostia] Kortxoenearen dokumentalaren crowdfounding kanpaina

http://karena.eu/proiektua/kortxoenea-bizirautea-sortzea-da

[Bilbo] Maison13 Desalojoaren balorazio politikoa

Maison 13ren desalojoa ez da isolaturiko gertaera, Bilbon indarrean dagoen logikan. Bere oinarriak kolokan ikusten dituen sistema ultraḱapitalista eta autoritario baten ezinegon eta beldurra adierazten du. Hau, poliziak gure erakina hustutzeko hartutako presa eta lehentasuna da. Eraikin honetan ematen ziren delituak; Behar gorrien garaian arropa elkartrukerako gunea izatea, musika, dantza, jostura, auto-kudeaketa tailerrak egiteko lekua, bestelako bizitza ereduen inguruko hitzaldi eta mintegiak burutzeko gunea izatea.

Gastu publikoaren xahutze hau (Garabiak, indar bereziak, gune publikoak geldiaraztea, Alde Zaharreko kaleen militarizazioa…) deigarria da. Are eta gehiago jendea gero eta indartsuago kolpatzen duen krisi honen erroen aurka ekiteko erabili diren baliabide faltarekin alderatuz.

Ustelkeria, espekulazioa, etxe kaleratzeak, orokorturiko txirotasuna, gutxi batzuen pribilegiak, esklabutza soldatak, langabezia… hauek dire gure jendartearen etsaiak. Poliziak eta udaletxeak ez gaituzte inoiz etsai hauetarik defendituko. Izan ere, haien egitekoa jendeak eraikitako autokudeaketa eta elkar laguntza guneak izorratu, erasotu eta desegitea da.

Krisian den sistema anti-sozial honek aurrera egiten du, ihesean, gure bizitzei sabotaia eginez. Ostegunekoa, desalojo batez gain, etxe kaleratze bat izan zen. Gure etxetik, etxebizitzatik kanporatu gintuzten. Espekulazioa, turismoa eta Esklabutzan oinarritutako hiri honetako prezio eroak ordaindu ezin (edo nahi ez) ditugunak, etxetik kanporatu gintuzten. Guzti hori, izurrite baten moduan zabaltzen dihoazen marka eta enpresa handi gutxi batzuen mesedera eraikitako Bilbo honetan..

Egiaz, gu etxetik kanporatzearen arrazoi nagusia inposatu diguten prekarietatea auto-kudeatzeko daukagun gaitasuna da, bai eta honek eragiten dien beldurra. Haien bortxakeria haien ezinaren irudi da, euren miseria alde batera utzita, eta euren kontra, bizi gaitezkeela ikusten baitute. Jabetza pribatua dute aitzakia, baina hori lotsazko harresi bat baino ez da. Atzetik, ehundaka mila familiari etxebizitzak lapurtu eta bankariei eman dizkieten gobernuak. Guk, ez dugu jaberik.
Poliziaren obedientzia itsuaren bitartez baizik ez diote eusten inposatzen diguten jendarte desantolaketa honi. Eta ezin izango dute luzaroan. Askoz ere gehiago ginen erresistentzia eta elkartasunez desalojoari aurre egin genion pertsonak, sistemak kaleratzerako mugitu ahal izan zituen gorputzak baino. “Soldata” izeneko sobornoekin erositako poliziak; disidentzia, protesta, desobedientzia eta bizitza bera kriminalizatzen dituzten legeen babespean ezkutatuta.

Honakoa da gero eta ateraldi ilun eta bortxazkoagoak agerian uzten dituen behin betiko krisi honen logika sakona: Gu pobrezia egoeretara bultzatuz, Aberatsen erregaliak defendatzeko elkar hil dezagun nahi dute. Baina beldurra aldez aldatzen ari da, eta gero eta gehiago gara logika hau hausten dugunak, altxa eta desobeditzen dugunak. Bilboko Suhiltzaileak Poliziaren aginduetara lan egiteari uko egin zioten. Honela, bistan utzi zituzten oligarkiarekin lerratutako udal baten mehatxuak. Eurek inposatu nahi diguten zikinkeria, miseria eta beldur proiektuaren aurrean men egiten ez dugunoi beldurra dio udalak. Gero eta gehiago gara, gero eta antolatuagoak, desalojoei, etxe kaleratzeei eta errepresioari aurre egiten dugunak. Gero eta ahulagoa da sistemak bere anabasa goibel honetan gu itotzeko duen gaitasuna. Eta gero eta irmoagoa da erresistentzian bizitzeko, Geure bizitzak autokudeatu eta gozatzeko hartu dugun erabakia. Garaipenerako giltza gutako bakoitzean dago.

 

iturria: http://2013bilbao.wordpress.com/desalojo_tubos_fachada 11

[Añorga] Cementos Rezola lantegiko etxe zaharraren okupazioa

Cementos Rezola lantegiko etxe zaharra eraistekoak dira astelehenean, Gipuzkoa-21 boulevarizatzeko eta Gorga ibaia azaleratzeko bidean. Horren aurrean, hainbat añorgatarrek etxea okupatzea erabaki dute, eta bertan bizi dira ostegunetik. Salatu nahi dute Añorgan 60 etxebizitza huts inguru dauden bitartean -horietatik 30 eraiki horretan-, auzotarrak bizitzera kanpora joan beharrean aurkitzen direla, ezin dituztelako Añorgan bizitzeko gutxieneko baldintzak bete. Azaldu dutenez, aspaldidanik Añorgako gazteek inguruko herrietara joan behar izaten dute emantzipatzeko garaia heltzen zaienean, alokairu merkeagoen bila. Era berean, etxebizitza politika orokorrak salatu nahi dituzte, egun egiten diren etxebizitza planek jendearen beharrak ase beharrean gutxi batzuen poltsikoak betetzeko asmoa dutela iruditzen baitzaie. Eraistear diren Rezola lantegiko etxe zaharraz gain, beste adibide bat ere bada auzoan, beraien irudiko: Atotxa-Errekan landa ingurune bat urbanizatu zuten luxuzko etxebizitzak eraikitzeko. Egun, lur horietako partzela gutxi batzuk soilik daude erosita, gainontzekoek bere horretan jarraitzen duten bitartean.

2014-11-02-13.18.20-1

Etxebizitzaren gaia pil-pilean dabil Añorgan azkenaldian, eta horren erakusle da orain gutxi sortutako “Etxi Gabe” mugimendua, añorgatarrek Añorgan bizitzeko duten eskubidea aldarrikatu asmoz sortua.

Azkenean, Cementos Rezolako lantegiko eraikin zaharra okupatu duten gazteek ekintza amaitutzat jo dute, Añorgan bizitzeko eskubidea lau haizetara aldarrikatu eta gero. “Gure kabuz ateratzea hobe genuen; bestela, eurak aginduarekin etorriko ziren, horrek dakarren ondorio penal eta administratiboekin”, adierazi dute eraikinetik atera bezain pronto.

Info7 egindako elkarrizketa

Iturriak: Donostialdeko Okupazio Bulegoa, Info7 Irratia, Hirutxuloko Hitza, 25Geltokia